Back to: ج سے شروع ہونے والی نعتیں
| کیونکر نہ میرے دل میں ہو الفت رسولؐ کی جنت میں لے کے جائے گی چاہت رسولؐﷺ کی |
| چلتا ہوں میں بھی قافلے والو رکو ذرا ملنے دو بس مجھے بھی اجازت رسولؐﷺ کی |
| سرکار نے بلا کے مدینہ دکھا دیا ہوگی مجھے نصیب شفاعت رسولؐﷺ کی |
| یارب دکھا دے آج کی شب جلوہء حبیب اک بار تو عطا ہو زیارت رسولؐﷺ کی |
| جس وقت نکیرین میری قبر میں آئیں اس وقت میرے لب پہ ہو مدحت رسولؐﷺ کی |
| تڑپا کے ان کے قدموں میں مجھ کو گرا دے شوق جس وقت ہو لحد میں زیارت رسولؐﷺ کی |
| تو ہے غلام ان کا عبیدؔ رضا تیرے محشر میں ہو گی ساتھ حمایت رسولؐﷺ کی |
