| جوہو چکا ہے جو ہو گا حضور جانتے ہیں تیری عطا سے خدا یا حضور جانتے ہیں |
| خدا کو دیکھا نہیں اور ایک مان لیا کہ جانتے تھے صحابہ حضور جانتے ہیں |
| خبر بھی ہے کہ خبر سب کی ہے اُنہیں کب سے کہ جب نہ اب تھا نہ کب تھا حضور جانتے ہیں |
| کہ اُنکے ہا تھ میں کیا کیا تجھے خبر نہ مجھے خدا نے کتنا نوازا حضور جانتے ہیں |
| وہ مومنوں کی تو جانوں سے بھی قریب ہوئے کہاں سے کس نے پکارا حضور جانتے ہیں |
| اسی لئےتو سُلایا ہے اپنے پہلوُ میں کہ یارِغیر کا رُتبہ حضور جانتے ہیں |
| عمر نے تن سے جدا کر دیا تھا سر جس کا وہ اپنا ہے کے پرایا حضور جانتے ہیں |
| نبیؐ کا فیصلہ نہ مان کر وہ جاں سے گیا مزاج عمر کا ہے کیسا حضور جانتے ہیں |
| وہ ہی ہے پیکرِ شرم و حیاء و ذاُلنوُرین مقام اُنکی حیاء کا حضور جانتے ہیں |
| ہیں جس کے مولا حضور اُس کے ہیں علی مولا ابو طراب کا رتبہ حضور جانتے ہیں |
| یہ خود شہید ہیں بیتے نواسے پوتے شہید علی کی شانِ یگانہ حضور جانتے ہیں |
| میں اُنکی بات کروں یہ نہیں میری اوقات کہ شانِ فاطمہ زہرہ حضور جانتے ہیں |
| جناں میں کون ہیں سردار نوجوانوں کے حسن ،حسین کے نانا حضور جانتے ہیں |
| ملائکہ نے کیا یوں تو سجدہ آدم کو در اصل کس کو تھا سجدہ حضور جانتے ہیں |
| ملے تھے راہ میں ۹بار کس لئے موسیٰ یہ دیدِ حق کا بہانہ حضور جانتے ہیں |
| میں چپ کھڑا ہوں مواجے پے سر جھکائے ہوئے سناؤں کیسے فسانہ حضور جانتے ہیں |
| چھپا رہے ہیں لگاتا ر میرے عیبوں کو میں کس قدر ہوں کمینہ حضور جانتے ہیں |
| خدا ہی جانے عبید اُنکو ہے پتہ کیا کیا ہمیں پتہ ہے بس اتنا حضور جانتے ہیں |
