Back to: ح سے شروع ہونے والی نعتیں
| حضورﷺ مری تو ساری بہار آپ سے ہے میں بے قرار تھا میرا قرار آپﷺ سے ہے |
| میری تو ہستی ہی کیا ہے میرے غریب نواز جو مل رہا ہے مجھے سارا پیار آپﷺ سے ہے |
| کہاں وہ ارضِ مدینہ کہاں میری ہستی یہ حاضری کا سبب بار بار آپﷺ سے ہے |
| سیاہ کار ہوں آقاﷺ بڑی ندامت ہے قسم خدا کی یہ میرا وقار آپﷺ سے ہے |
| محبتوں کا صلہ کون ایسے دیتا ہے سنہری جالیوں میں یارِ غار آپﷺ سے ہے |
| حضورﷺ آپ کی یادوں میں اشکِ رحمت ہے یہ میری آنکھ ضیاء اشک بار آپﷺ سے ہے |
