Sign Up

Sign In

Forgot Password

Lost your password? Please enter your email address. You will receive a link and will create a new password via email.

You must login to ask question.

ہماری ویب سائٹ پر آپ کا خیر مقدم ہے۔

Ask A Question

حقیقت میں وہ لطف زندگی پایا نہیں کرتے

حقیقت میں وہ لطف زندگی پایا نہیں کرتے
جو نام مصطفیٰ ﷺ سے دل کو بہلایا نہیں کرتے۔۔۔!!!
زباں پر شکوہ رنج و الم لایا نہیں کرتے..
نبیﷺ کے نام لیوا غم سے گھبرایا نہیں کرتے۔۔۔!!!
یہ دربار محمد ﷺ ہے یہاں اپنوں کا کیا کہنا
یہاں سے ہاتھ خالی غیر بھی جایا نہیں کرتے۔۔۔!!!
ارے او نا سمجھ قربان ہو جا ان کے روضے پر..
یہ لمحے زندگی میں بار بار آیا نہیں کرتے۔۔۔!!!
یہ دربار محمدﷺ ہے یہاں ملتا ہے بے مانگے
ارے نادان یہاں دامن کو پھیلایا نہیں کرتے۔۔۔!!!
مدینے جو بھی جاتا ہے وہ جھولی بھر کے لاتا ہے
سخی داتا ہیں خالی ہاتھ لوٹایا نہیں کرتے۔۔۔!!!
محمد مصطفیٰ ﷺ کے باغ کے سب پھول ایسے ہیں
جو بے پانی کے تر رہتے ہیں مرجھایا نہیں کرتے۔۔۔!!!
ندامت ساتھ لیکر حشر میں اے عاصیو جانا
سنا ہے شرم والوں کو وہ شرمایا نہیں کرتے۔۔۔!!!
جو ان کے دامن رحمت سے وابستہ ہیں اے حامد
کسی کے سامنے وہ ہاتھ پھیلایا نہیں کرتے