Back to: د سے شروع ہونے والی نعتیں
| دوجہاں میں دھوم ہے ہر جاں تمہاری یارسولﷺ آپ کی ہے منتظر قسمت ہماری یارسولﷺ |
| فرش کس کا آپ کا ہے عرش کس کا آپ کا آپ ہی کے دم سے یہ رونق ہے ساری یا رسولﷺ |
| آپ ہی کے ہاتھ میں ہے آپ ہی اب کیجئے اپنے حاجت مند کی حاجت براری یارسولﷺ |
| خواب میں ہی کیجیے بیدار قسمت کو میری رحم کے قابل ہے میری دل فگاری یا رسولﷺ |
| یا رسولﷲﷺ دہائی ہے دہائی آپ کی دیکھ لوں اب شکلِ نوری پیاری پیاری یا رسولﷺ |
| اپنے در پر اپنے منگتا کو بلا لیجئے حضور در بدر پھرتا رہے کب تک بھیکاری یارسولﷺ |
| میرے سر پر پنجئہ دست کرم رکھ دیجیۓ نہرِ رحمت کی ہوئی تھی جن سے جاری یا رسولﷺ |
| آپ کے در پر ہیں حاضر مثلِ سید بے شمار ترکی و رومی و ہندی و بخاری یا رسولﷺ |
