Back to: ز سے شروع ہونے والی نعتیں
| زہے عزت و اعتلائے محمدﷺ کہ ہے عرش حق زیر پائے محمدﷺ |
| مکاں عرش ان کا فلک فرش ان کا ملک خادمان سرائے محمد ﷺ |
| خدا کی رضا چاہتے ہیں دو عالم خدا چاہتا ہے رضائے محمدﷺ |
| عجب کیا اگر رحم فرما لے ہم پر خدائے محمد برائے محمد ﷺ |
| محمد برائے جناب الٰہی جناب الٰہی برائے محمدﷺ |
| بسی عطر محبوبی کبریا سے عبائے محمد قبائے محمد ﷺ |
| بہم عہد باندھے ہیں وصل ابد کا رضائے خدا اور رضائے محمدﷺ |
| بسی عطر محبوبی کبریا سے عبائے محمد قبائے محمد ﷺ |
| عصائے کلیم اژدہائے غضب تھا گروں کا سہارا عصائے محمدﷺ |
| میں قربان کیا پیاری پیاری ہے نسبت یہ آنِ خدا وہ خدائے محمد ﷺ |
| محمد کا دم خاص بہرِ خدا ہے سوائے محمد برائے محمدﷺ |
| خدا اُن کو کس پیار سے دیکھتا ہے جو آنکھیں ہیں محوِ لقائے محمد ﷺ |
| جلو میں اجابت خواصی میں رحمت بڑھی کس تزک سے دعائے محمدﷺ |
| اجابت نے جھک کر گلے سے لگایا بڑھی ناز سے جب دعائے محمد ﷺ |
| اجابت کا سہرا عنایت کا جوڑا دلہن بن کے نکلی دعائے محمدﷺ |
| رضا پل سے اب وجد کرتے گزریے کہ ہے رب سلم صدائے محمد ﷺ |
