Back to: ص سے شروع ہونے والی نعتیں
| صدائیں درودوں کی آتی رہیں گی میرا سن کے دل شاد ہوتا رہے گا خدا رکھے آباد اہل نظر کو محمد ﷺ کا میلاد ہوتا رہے گا |
| محمدﷺ دیا حق نے اسم گرامی ہمیں جان سے پیارا ہے یہ نام نامی وسیلہء رومی وظیفہء جامی یہی نام ہے یاد ہوتا رہے گا |
| سکون دل و جاں خیال نبیﷺہے نگاہوں کا مرکز جمال نبیﷺ ہے جسے آرزوئے وصال نبیﷺ ہے رنج و غم سے آزاد ہوتا رہے گا |
| گدا ہے جو شاہ امم ﷺکی گلی کا اسے کوئی طعنہ نہ دے مفلسی کا وہ اجڑا نہیں ہے کرم ہے سخیﷺ کا حقیقت میں آباد ہوتا رہے گا |
| نوائے ظہوری ثنائے نبی ﷺہے میرا دین و ایماں رضائے نبی ﷺ جو محروم لطف وعطائے نبیﷺ ہے وہ ناکام ناشاد ہوتا رہے گا |
