Back to: م سے شروع ہونے والی نعتیں
| میں کہاں پہنچ گیا ہوں تیرا نام جپتے جپتے حیرت سے گم کھڑا ہوں تیرا نام جپتے جپتے |
| میں اک حقیر ذرہ تیری رحمتوں کے صدقے خالق سے مل گیا ہوں تیرا نام جپتے جپتے |
| تیری نعت یا محمد خالق کا ورد ٹھہرا میں نعت خواں بنا ہوں تیرا نام جپتے جپتے |
| نہ پاس زادِ راہ ہے نہ ہی کوئی قافلہ ہے طیبہ کو چل پڑا ہوں تیرا نام جپتے جپتے |
| جھولی عمل سے خالی میں بے نوا سوالی تیرے در پہ آگیا ہوں تیرا نام جپتے جپتے |
| تیرے در کی نعمتوں میں تیری پاک محفلوں میں میں سراپا کھو گیا ہوں تیرا نام جپتے جپتے |
