Back to: پ سے شروع ہونے والی نعتیں
| پھر در مصطفی کی یاد آئی کعبہ مدعا کی یاد آئی |
| کھل گیا جس سے دائمی گل دل اس صبا اس ہوا کی یاد آئی |
| جو تھا ورد زماں مواجہہ میں اس درد وفا کی یاد آئی |
| ہے جو تزئین مسجد نبوی پھر اسی نقش پا کی یاد آئی |
| جالیوں کی قریں جو مانگی تھی اس مراد و دعا کی یاد آئی |
| دیکھ کر اپنا عالم مسرور ان کے لطف و عطا کی یاد آئی |
| ہوگئی پھر جبین دل بیتاب قبلتیں و قبا کی یاد آئی |
| بن گیا قلب منبع انوار گنج نور و ضیا کی یاد آئی |
| پھر مچلنے لگا ہے دل بہزاد خاتم الانبیاءﷺ کی یاد آئی |
