Back to: ی سے شروع ہونے والی نعتیں
| یہ کس نے پکارا محمدﷺ محمدﷺ بڑا لطف آیا سویرے سویرے خدا کی قسم اُنؐ کو موجود پایا جو سر کو جھکایا سویرے سویرے |
| علوم لطافت کلیم نزاکت بہار آ گئی جب وہ تشریف لائے سراپائے رحمت وہ جان بہاراں زمانے پے چھایا سویرے سویرے |
| خیال محمد ﷺ میں نیند آگئی جب قرار آگیا بے قراری کو میری کیے سبز گنبد کے میں نے نظارے یہ دل جگمگایا سویرے سویرے |
| سحر سر بسجدہ ہے شب سربسجدہ دو عالم جھکے میرے آقاؐ کے در پر قمر رات بھر اُن کے روزے پے گھوما تو خورشید آیا سویرے سویرے |
| نماز محبت ادا کر رہا تھا تصور میں تھے سامنے کملی ؐوالے شکیلؔ حاصل زندگی تھا وہ سجدہ جو سر کو جھکایا سویرے سویرے |
