Back to: میاں محمد بخش کلام
| دشمن مرے تے خوشی نہ کرئیے سجناں وی مر جانا ڈیگر تے دن ھویا محمد اوڑک نوں ڈب جانا |
| باغ بہاراں تے گلزاراں بن یاراں کس کاری یار ملن دکھ گھٹن ہزاراں میں شکر کراں لکھ واری |
| میں انھا تے تلکن رستا کیوں کر رھوے سنبھالا دھکے دیون والے بہتے توں ھتھ پکڑن والا |
| پڑھنے دا نہ مان کریں توں تے نہ آکھیں میں پڑھیا اوہ جبار قہار سداوے متاں روڑھ چھڈی ددھ کڑھیا |
| کچ وی منکا تے لال وی منکا اکو رنگ دوہاں دا جد صرافاں اگے جاون تے فرق ہزار کوہاں دا |
| مالی دا کم پانی لانا تے بھر بھر مشکاں پاوے مالک دا کم پھل پھُل لانا لاوے یا نہ لاوے |
| لکھ ہزار بہار حسن دی اندر خاک سمانی لا پریت اجہی محمد جگ وچ رھے کہانی |
