Back to: Naats Starting With Letter (H)
| Haqiqat Mein Woh Lutfe Zindagi Paya Nahin Kartey Jo Yade Mustafa Se Dilko Behlaya Nahin Kartey |
| Zuban Par Shikwae Ranjo Alam Laya Nahin Kartey Nabi Ke Naam Leva Gham Se Ghabhraya Nahin Kartey |
| Yeh Darbare Muhammad Hai Yahan Milta Hai Bemangey Arey Nadan Yahan Daman Ko Phailaya Nahin Kartey |
| Arey O Na Samajh Qurban Ho Ja Unke Roze Par Yeh Lamhey Zindagi Mein Baarbaar Aya Nahin Kartey |
| Yeh Darbare Risalat Hai Yahan Apnon Ka Kya Kehna Yahan Se Hath Khali Ghair Bhi Jaya Nahin Kartey |
| Muhammad Mustafa Ke Baagh Ke Sab Phool Aisey Hain Jo Bin Pani Ke Tar Rehte Hain Murjhaya Nahin Kartey |
| Jo Unke Damne Aqdas Se Wabasta Hain Aey Hami Kisi Ke Samne Woh Hath Phailaya Nahin Kartey |
