Back to: ک سے شروع ہونے والی نعتیں
| کونین دے والی دا گھر بار بڑا سوھنا سونہہ رب دی مدینے دا دربار بڑا سوھنا |
| صدیق عمر عثماں حیدر توں میں واری جاں میرے سوہنے سوہنے آقا دا ہر یار بڑا سوھنا |
| انج مسجد نبوی دی ہر چیز نرالی اے جیہڑا روضے دے نال جُڑّیا مینار بڑا سوھنا |
| سب رستے مدینے دے ساہنوں جان تو ودھ پیارے جیہڑا روضے نوں جاؤندا ایہہ بازار بڑا سوھنا |
| دنیا دیاں سفراں توں بندہ تھک وی تے جاؤندا ایہہ پر سفر مدینے دا ہر وار بڑا سوھنا |
