Back to: Naats Starting With Letter (S)
| Sukoon Paya Hai BeQasi Me Hudood e Gham Se Nikal Gaya Hoo Khayal e Hazrat Jab Aagaya Hai To Girte Girte Sambhal Gaya Hoo |
| Kabhi Main Subh e Azal Gaya Hoo Kabhi Main Sham Abad Gaya Hoo Talash e Jana Me Kitni Manzil Khuda Hi Jaane Nikal gaya Hoo |
| Haram Ki Tapti Hui Zamee Par Jigar Bichane Ki Aarzoo Mein Bahar e Khuld e Bari Mili To Bacha Ke Daman Nikal Gaya Hoo |
| Mere Janaze Pe Rone Walo Fareeb Me Ho Bahaur Dekho Mara Nahi Hoo Gham e Nabi Me Libas e Hasti Badal Gaya Hoo |
| Ba Faiz e Hassan Ibn e Sabit Ba Rang e Naat e Rasool e Rehmat QAMAR Main Sher o Sukhan Ki Laye Me Adab Ke Moti Ugal Gaya Hoo |
