Back to: میاں محمد بخش کلام
| ٹر گئے یار محبتاں والے لے گئے نال ای ہاسے دل نئیں لگدا یار محمد جائیے کہیڑے پاسے |
| باپ مرے سر ننگاں ہوندا ویر مرن کنڈ خالی ماواں ماجھ کون کرے رکھوالی |
| بھا ئی، بھائیاں دے درد ونڈا دے، بھائی، بھایئاں دیاں بانہواں باپ سراں دے تاج محمد ماواں ٹھنڈیاں چھاواں |
| اُچیاں لمیاں ڈالیاں، تے گھنڑیاں جناں دیاں چھاواں ہراک چیز بازاروں لبھدی پر نئیں لبدھیاں ماواں |
| دکھیے دی گل دکھیا جانے سکھیے نوں کی خبراں سجن جناں دے موت نے مارے روندے تک تک قبراں |
| لمی رات وچھوڑے والی عاشق دُکھیے بھانے قیمت جانن نین اساڈے سکھیا قدر نہ جانے |
| نہ کر بندیا میری میری نہ تیری نہ میری چار دناں دا میلہ دنیا فیر مٹی دی ڈھیری |
| سدا نہ باغیں بلبل بولے، سدا نہ باغ بہاراں سدا نہ ماپے، حسن جوانی، سدا نہ صحبت یاراں |
| باغ بہاراں تے گلزاراں بن یاراں کس کاری یار ملے دُکھ جان ہزاراں شکر کہاں لکھ واری |
| لے او یار حوالے رب دے تے میلے چار دنا دے اس دن عید مبارک ہوسی جس سن فیر ملاں گے |
